Ant Freedaag Namiddaag hebben 5 Schölers van`d Oberschool Kloster Barthe an de Kreisentscheid „Plattdütsch Lesen“ in de Möörkenschool Leer deelnohmen.

Vööl verwachten weren wi neet, umdat wi wussen, dat daar vööl gode Lesers in de Kuntrei Leer weren. Nadem uns  Margret Specht-Sandstede moi instimmt har, wurden de Schölers na Johrgangen indeelt und mit de Jurymitglieder in de Ruumten brocht. De Kinner kunnen nu hör Können wiesen - und dat dehn se ook. All wassen mit hör Leistungen tofree un leten sük daarna Koffje und Kook schmecken.
Na de Paus wuren de Kinner upropen un all to 3. Siegers verklaart. Man muss nu blood noch de tweeden un ersten finnen, de an`t Bezirksentscheid in Hage deelnehmen. Wi weren leep blied,  dat Hauke Fecht van`t Oberschool Kloster Barthe de tweede Platz van 7. / 8. Schooljohr kregen het!

Aller Best, Hauke, bi de Bezirksentscheid an`t 12.April in Hage!

Noch en Bild van uns Deelnehmers: